Rættarhjálp Føroya hevur til endamáls at bjóða fría løgfrøðiliga hjálp og ráðgeving til einstaklingar. Rættarhjálpin hevur tagnarskyldu, og allar áheitanir verða viðgjørdar í trúnaði.

Einstaklingar kunnu venda sær til Rættarhjálpina við at ringja í upplatingartíðini, senda teldupost ella við at møta upp persónliga í Rættarhjálpini. Tað er ein fyrimunur at bíleggja tíð áðrenn, men hetta er ikki neyðugt.

Atkoman til hølini kann verða eitt sindur trupul, um mann er illa gongdur. Vit hava tó møguleika at útvega okkum atgongd til lættari atkomulig hølir, um tørvur er á hesum. Vit viðmæla tí, at tey, sum eru illa gongd, biðja um tíð frammanundan, soleiðis at vit kunnu tryggja okkum, at lættari atkomulig hølir eru tøk.

Rættarhjálpin í Føroyum er mannað við løgfrøðingum, ið starvast hjá tí almenna, privatum fyritøkum og á advokatskrivstovum.

Avgreiðslutíðir:
Týsdagar  kl. : 18.00 - 20.00
Hósdagar kl. : 16.00 - 18.00